ინტერვიუ ჰანსი ფლიკთან: ფეხბურთი ბევრად უფრო მეტია, ვიდრე უბრალოდ ბურთის თამაში

პირველივე დღიდან ვგრძნობ იმ ენთუზიაზმს, რომელიც აქ მყოფ ხალხს, პრეზიდენტს აქვს... ყველას, ვინც აქ მუშაობს, აქვს ეს ემოციური გატაცება, თავდადება, რომ "ბარსასთვის" მაქსიმუმი გააკეთოს. ეს ჩვენთვის ბევრს ნიშნავს, რადგან გვინდა, ამ კლუბის ნაწილი ვიყოთ და ვიცხოვროთ ამ გრძნობით. გვინდა, ყველაფერი გავიღოთ, რათა ეს კლუბი ახალ დონეზე ავიყვანოთ.

როდესაც მწვრთნელობა გადავწყვიტე, თვალს "ბარსელონას" ვადევნებდი, რადგან ფანტასტიკურ ფეხბურთს თამაშობდა. შეგიძლიათ, ნახოთ, როგორ აუმჯობესებენ "ბარსაში" ფეხბურთელებს, რაზეც ყველა საუბრობს. ასევე ის ემოციური განწყობა, რომელსაც აქ გრძნობ, წარმოუდგენელია, ამიტომ აქ ყოფნით ბედნიერები ვართ. ამას პირველივე დღიდან ვგრძნობდი. ეს წარმოუდგენელი გამოცდილებაა.

"ბარსაში" ისეთი სიტუაციაა, რაც პირველი გუნდის გაწვრთნიდან ჩემი მიზანია. ნიდერლანდული ფეხბურთისა და ასევე იოჰან კრუიფის შესახებ ბევრი რამ ვისწავლე.

ის, რასაც პირველ ვარჯიშებზე ვხედავ, დაუჯერებელია, ამიტომ "ლა მასიას" მადლობა უნდა გადავუხადო, რადგან წარმოუდგენელია, როგორ ანვითარებენ აკადემიაში ფეხბურთელებს.

ნორმალურია, რომ, როდესაც ნაკრებებში გამოძახებული ფეხბურთელები შენს განკარგულებაში არ არიან და ახალგაზრდა მოთამაშეებს უხმობ, ხარისხი ცოტათი დაბალია, მაგრამ აქ ამას ვერ ვგრძნობ. ფეხბურთელებს ვუთხარი, რომ ყველა ვარჯიშზე ხარისხი, ინტენსივობა და აბსოლუტური ფოკუსურიება მინდა და მათ ეს ყველაფერი ჩემამდე სრულად მოაქვთ.

ჩვენ გვყავს 15, 16 და 17 წლის ფეხბურთელები, რომლებიც საოცარი მოთამაშეები არიან და შეუძლიათ, კიდევ უფრო მოუმატონ.

დეკუსთან ძალიან კარგად ვთანამშრომლობ. ის ბრწყინვალედ მუშაობს. ერთმანეთს კარგად ვერგებით, რადგან ორივეს გვინდა, თამაშის ხარისხი ავამაღლოთ. ეს ჩემთვის ყველაზე მნიშვნელოვანია.

საოცარი ფეხბურთელები გვყავს, განსაკუთრებით ახალგაზრდები. ზოგჯერ საქმე ეხება ისეთი მოთამაშის მოყვანას, რომელსაც თამაშის მოგება შეუძლია, მაგრამ კარგი ახალგაზრდები გვყავს. მათ განვითარებაში უნდა დავეხმაროთ. ეს ჩვენი სამუშაოა. ვფიქრობ, ეს "ბარსას" ფილოსოფიის ნაწილიცაა.

ამ ეტაპზე, რა თქმა უნდა, ფიტნესი პრიორიტეტულია, მაგრამ ასევე ბევრს ვმუშაობთ ბურთით.

ვფიქრობ, ჩვენი მუშაობა სრულიად განსხვავდება იმისგან, რაც აქამდე იყო, განსაკუთრებით ფიტნესის მხრივ. ჩემთვის გადამწყვეტი მნიშვნელობისაა, რომ ყოველი ეტაპი მოიცავდეს ფიტნეს მომზადებას ტაქტიკურ და ტექნიკურ ასპექტებთან ერთად. ფეხბურთი ბევრად უფრო მეტია, ვიდრე უბრალოდ ბურთის თამაში, ეს სპორტი რაღაც უფრო მეტია. ჩემთვის ფორმაში ყოფნა გადამწყვეტია.

ვიტყოდი, რომ წარმატებისთვის ეს ნამდვილად გადამწყვეტია, რადგან კარგი ურთიერთობები მოთამაშეებს თავდაჯერებულობას მატებს, რათა 100%-ით დაიხარჯონ. ზოგჯერ ეს მარტივი არაა. ჩვენ გვაქვს შეხვედრები, ფეხბურთელებს კითხვებს ვუსვამ. ასეთი დისკუსიები საჭიროა. მინდა, მათგან ვიცოდე, რას ფიქრობენ გარკვეულ სიტუაციასთან ან რამე სხვასთან დაკავშირებით. თუ მათ რამე პრობლემა აქვთ, ჩემთან მოსვლა ყოველთვის შეუძლიათ, მაგრამ დისციპლინა აუცილებელია.

ფეხბურთელებს ევროპის ჩემპიონატის დროს შეტყობინებები გავუგზავნე. ვფიქრობ, ეს ძალიან მნიშვნელოვანი იყო, რადგან მათთან კავშირი პირველად დავამყარე.