სამუელ უმტიტი: მუნდიალის შემდეგ ბარსაში გვერდში არავინ მედგა
სამუელ უმტიტიმ "ბარსელონაში" გატარებული პერიოდი გაიხსენა და რამდენიმე ყოფილ ფეხბურთელზე სახასიათო კომენტარი გააკეთა.
პირველ პერიოდში ყველამ კარგად მიმიღო. ბუსკეტსი მესაუბრებოდა და საკითხებს მიხსნიდა. ვარჯიშებზე ანდრეს ინიესტა ძლიერი პასების გაკეთებას მთხოვდა, მას კი მათი დამორჩილება უმარტივესად გამოსდიოდა.
როდესაც გუნდში დემბელე მოვიდა, მათ სურდათ, რომ მამამისის როლი მომერგო, ჩვენ ამაზე ბევრს ვხუმრობდით. მახსოვს, კლუბში დილის განრიგი იყო დაწესებული, დემბელე კი მოგვიანებით მოვიდა, ოღონდ თავადვე იყო რაღაცაზე გაბრაზებული და ვერავინ ვერაფერი გაიგო.
ჟერარ პიკე სავარჯიშო დარბაზში დიდ დროს არ ატარებდა, თუმცა ის ინტელიგენტი მცველი იყო და პოზიციას საუკეთესოდ არჩევდა. მასთან საუბარი და შეთანხმების მიღწევა უადვილესი იყო. პიკე ბავშვს ჰგავდა, თითქოს მასზე უფროსი ვიყავი.
პირველად რომ მესი ვნახე, შოკში ჩავვარდი. ის ვარჯიშებზე გასაოცარი იყო და ყოველთვის ის გუნდი იგებდა, სადაც თავად თამაშობდა.
- თქვა უმტიტიმ.
მოგონებების გახსენებათა სერიისას უმტიტიმ ისიც თქვა, რომ 2018 წლის მსოფლიოს ჩემპიონატის შემდეგ რთული პერიოდი ჰქონდა, მაგრამ კლუბში მხარდაჭერა ვერავისგან იგრძნო.
საკმარისი მხარდაჭერა არ მიმიღია "ბარსელონაში" მუნდიალიდან დაბრუნების შემდეგ. არის რაღაცები, რაც ასეთ სიტუაციებში თავს მარტო გაგრძნობინებს. ისინი გტოვებენ, გადანაშაულებენ, თანაც მაშინ, როდესაც იტანჯები და დახმარება გჭირდება.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 17 ]