დანი ოლმო: მესისთან ფოტოს გადაღება არ მინდოდა

ლაიფციგისა და ესპანეთის ნაკრების ფეხბურთელმა, დანი ოლმომ ლიონელ მესისთან ფოტოს გადაღების პროცესი გაიხსენა.

"მამაჩემს კასტელდეფელსში თამაში ჰქონდა. 8 წლის ვიყავი. ბურთს მარტო ვთამაშობდი და ბედნიერი ვიყავი, როცა ვიღაცა მოვიდა, მგონი მამაჩემის მეგობარ იყო, და მითხრა: "ჰეი, დანი, აქ მოდი! არ დაიჯერებ - ლიონელ მესისთან ფოტოს გადაღება შეგიძლია!"

მე ვუთხარი: "არა, მადლობა. შესანიშნავად ვარ. თამაშის გაგრძელება მსურს." მაგრამ, ჩემი ნების საწინააღმდეგოდ, მათ მესის გვერდით დამსვეს და ფოტო გადაგვიღეს. ლეოსთვის არაფერი მითქვამს. უბრალოდ ფოტოს გადაღებას დაველოდე და შემდეგ ბურთის თამაშს დავუბრუნდი. ისე გამოვიდა, თითქოს ჩემთან ფოტოთი ლეოს პატივი ვეცი," - უთხრა ოლმომ Diario AS-ს.

ამ შემთხვევიდან 1 წელიწადში დანი ლა მასიაში აიყვანეს, სადაც 7 წელი გაატარა. ალბათ, მას მესისთან ფოტოს გადაღება აღარ უნანია.