ევრო 2024 - ფერან ტორესი მეორე ყველაზე სწრაფი ფეხბურთელია

სოციალურ ქსელ X-ის ევრო 2024-ის ოფიციალურ გვერდზე ყველაზე სწრაფი ფეხბურთელების ათეული გამოქვეყნდა.

მიმდინარე ევროპის ჩემპიონატის ყველაზე სწრაფი ფეხბურთელი საფრანგეთის ნაკრების ლიდერი კილიან მბაპეა, რაც მოსალოდნელიც იყო. გასაკვირი მეორე ადგილზე მყოფი ფეხბურთელია - ეს "ბარსელონას" ესპანელი შემტევი ფერან ტორესია.

მბაპემ ევრო 2024-ზე მაქსიმალური სიჩქარე 36.5 კმ/სთ დააფიქსირა, ტორესმა კი - 36 კმ/სთ.

საინტერესოა ის ფაქტიც, რომ ფერანს, რომელიც უფრო ხშირად სათადარიგოთა შორისაა, ტურნირზე იმდენივე გოლი აქვს გატანილი, რამდენიც კილიანს - ერთი.

ევროპის ჩემპიონატის მიმდინარე გათამაშების ყველაზე სწრაფი 10 ფეხბურთელი:

	ფეხბურთელი	სიჩქარე (კმ/სთ)
1	კილიან მბაპე	36.5
2	ფერან ტორესი	36
3	ბენჟამინ შეშკო	35.9
4-5	ლეროი სანე	35.8
4-5	ვალენტინ მიჰაილა	35.8
6	ტეო ერნანდესი	35.7
7-8	დან ნდოიე	35.6
7-8	მიკი ვან დე ვენი	35.6
9	რასმუს ჰოილუნდი	35.5
10	რაფაელ ლეაუ	35.4