UEFA ბარსელონას კომპენსაციას გადაუხდის

საერთაშორისო საფეხბურთო ორგანზიაცია UEFA-ს "ბარსელონასთვის" პედრის ტრავმის გამო კომპენსაციის გადახდა მოუწევს.

საქმე ისაა, რომ UEFA ვალდებულია, კლუბებს კომპენსაცია გადაუხადოს, თუ მათი ფეხბურთელები ევროპის ჩემპიონატზე ან UEFA-ს მიერ ორგანიზებულ სხვა ტურნირებზე მონაწილეობისას ტრავმას მიიღებენ.

პედრიმ დაზიანება გერმანიასთან გამართულ ევრო 2024-ის მეოთხედფიანლურ მატჩში ტონი კროოსთან შეჯახებისას მიიღო, რის გამოც ესპანელ ნახევარმცველს მინიმუმ ერთი თვე გაუცდება.

ECA-ს ინფორმაციით, UEFA 2 აგვისტოდან "ბარსას" დღეში 20 500 ევროს გადაუხდის იქამდე, სანამ პედრი სრულად გამოჯანმრთელდება.

ცნობისთვის, 21 წლის ფეხბურთელმა 2021 წლის შემდეგ სხვადასხვა ტრავმის გამო "ბარსელონას" 83 თამაში გამოტოვა.