ბარსამ, შესაძლოა, როკე და ფაი პორტუში გაუშვას
Diario Sport იტყობინება, რომ "ბარსელონა" "პორტუსთან" ვიტორ როკესა და მიკაილ ფაის ტრანსფერებზე მოლაპარაკებებს აწარმოებს.
გამოცემის ცნობით, "ბარსას" ვიტორ როკეს ლა ლიგაში დარეგისტრირება უჭირს, რის გამოც კატალონიელებს მისი იჯარით გაშვება ურჩევნიათ. "ბლაუგრანაში" ელიან, რომ პორტუგალიურ კლუბში ბრაზილიელი საკმარის სათამაშო დროს მიიღებს.
რაც შეეხება ფაის, "ბარსელონა" მზადაა, სენეგალელი მცველი 15 მილიონ ევროდ გაყიდოს. კლუბს მანამდე 9-მილიონიანი შემოთავაზებაც ჰქონდა, თუმცა ის დაბლოკეს. კატალონიაში ფაის აფასებენ, თუმცა მიაჩნიათ, რომ არსებული შემადგენლობა ცენტრალურ დაცვაში ოპტიმალურია.
"ბარსელონას" სპორტული დირექტორი დეკუს ურთიერთობამ "პორტუს" პრეზიდენტ ანდრე-ვილაშ ბოაშთან გარიგების წარმატებით დასრულებაზე გადამწყვეტი როლი შეიძლება იქონიოს. გარდა ამისა, დეკუს "პორტუში" ნათამაშები აქვს და იქაურ გარემოს კარგად იცნობს.
ამ სიახლეზე კომენტარები გათიშულია.
კომენტარები [ 16 ]