ბარსელონა შადი რიადის ტრანსფერიდან 10 მილიონ ევროს მიიღებს
"ბარსელონას" ყოფილი ფეხბურთელი შადი რიადი "რეალ ბეტისიდან" ინგლისურ "კრისტალ პალასში" გადავიდა, რითაც კატალონიური კლუბი ფინანსურად საკმაოდ იხეირებს.
"კრისტალ პალასი" 20 წლის მაროკოელ ცენტრალურ მცველში 15 მილიონ ევროს ფიქსირებულად, ხოლო 2 მილიონ ევროს ბონუსების სახით გადაიხდის.
ინგლისელების მიერ გადახდილი თანხიდან 9 მილიონი ევრო ფიქსირებულად "ბარსელონას" შეხვდება. კატალონიელებისთვისაა გათვალისწინებული ბონუსების ნახევარიც, 1 მილიონი ევრო.
იმის გამო, რომ ეს თანხა "ბარსელონას" ბიუჯეტში გათვალისწინებული არ იყო, შადი რიადის ტრანსფერი კატალონიური კლუბისთვის ძალიან კარგი ამბავია და ეს "ბლაუგრანას" ლა ლიგის ფინანსური ფეარ ფლეის მოთხოვნების დაკმაყოფილებაში გამოადგება.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 21 ]