როგორ გამოუთხარა ძირი ჩავის პოზიციებს ალეხანდრო ეჩევარიამ?
CatRadio იტყობინება, რომ პრეზიდენტ ჟოან ლაპორტას გარემოცვის ახლო წევრმა და მისმა მარჯვენა ხელმა, ალეხანდრო ეჩევარიამ ჩავის პოზიციებს კლუბში ძირი გამოუთახა და დიდი როლი ითამაშა ესპანელის დათხოვნაში.
გამოცემის ცნობით, ჩავის მომზადებული ჰქონდა ფეხბურთელთა სია, რომელთა გაშვებასაც აპირებდა ზაფხულში. ეჩევარიამ ეს სია მოიპოვა და კლუბში გაავრცელა.
"რაიო ვალიეკანოსთან" მატჩის წინ ჩავიმ შეამჩნია, რომ ფეხბურთელები მას ცივად ექცეოდნენ. გუნდთან დალაპარაკების შემდეგ გაირკვა, რომ მოთამაშეები უკმაყოფილონი იყვნენ, გასაშვებთა სიაში თავიანთი თავების ხილვით.
ეჩევარია "ბარსელონას" რუხ კარდინალად ითვლება. მას კლუბში ოფიციალური პოზიცია არ გააჩნია, თუმცა იგი ლაპორტას მარჯვენა ხელად და კლუბში ძალიან გავლენიან წევრად მიიჩნევა. ზოგიერთი ცნობით, მან მატეუ ალემანის როლი გადაიბარა.
ამ სიახლეზე კომენტარები გათიშულია.
კომენტარები [ 32 ]