ჩავის ფელიშის გაშვება სურს
ჟურნალისტი ტონი ხუანმარტი იტყობინება, რომ ჩავი ერნანდესს ჟოაუ ფელიშის გაშვება სურს სეზონის ბოლოს.
მისი ინფორმაციით, ფელიშის ტრანსფერი ჩავის არასოდეს უნდოდა. როცა ლაპორტას და დეკუს პორტუგალიელი მოჰყავდათ, მაშინ ჩავის სურვილი ნახევარდაცვის გაძლიერება იყო.
ფელიშმა თავიდან კარგად დაიწყო. მან თავისი პირველი შეხვედრები სასტარტო შემადგენლობიდან დაიწყო და დეკემბრისთვის 6 გოლი ჰქონდა გატანილი 3 ასისტთან ერთად. თუმცა მას შემდეგ მისი თამაშის ხარისხი დაეცა და სათამაშო დროც შეუმცირდა, რასაც ტრავმა დაერთო. საერთო ჯამში, "ბარსას" ბოლო 8 თამაშიდან პორტუგალიელმა მხოლოდ 1 დაიწყო სასტარტოდან. მეტიც, "რეალ სოსიედადთან" თამაშში ჩავიმ იგი საერთოდ არ ათამაშა, იმის მიუხედავად, რომ გასახურებლად მიუთითა.
ჟოაუ ფელიში "ბლაუგრანაში" "ატლეტიკოდან" თამაშობს იჯარით. თუ ჩავი თავის აზრს არ შეიცვლის, ახალგაზრდა თავდამსხმელი მადრიდში დაბრუნდება.
ამ სიახლეზე კომენტარები გათიშულია.
კომენტარები [ 12 ]