ჩავი სიმონსისთვის ბრძოლაში ბარსას ძლიერი კონკურენტები დაემატა
Sport იტყობინება, რომ ჩავი სიმონსისთვის ბრძოლაში "არსენალი" და "ბაიერნი" ჩაერთო.
წყაროს ცნობით, "ბარსელონა" ჩავი სიმონსის დაბრუნებით დაინტერესებულია და ამ ფეხბურთელს მომავალი სეზონის კლუბის სპორტული პროექტის ნაწილად განიხილავს. თავის მხრივ, ნიდერლანდელსაც სურს კატალონიაში დაბრუნება.
მიუხედავად ამისა, ფეხბურთელის ტრანსფერს რამდენიმე გარემოება აფერხებს. უპირველეს ყოვლისა, პსჟ-ს არ სურს ფეხბურთელის "ბლაუგრანასთვის" მიყიდვა ამ ორ კლუბს შორის დაძაბული ურთიერთობის გამო. პარიზელები სიმონსს 60 მილიონ ევროდ აფასებენ.
მეორე მხრივ, "არსენალი" და მიუნხენის "ბაიერნი" ფინანსურად "ბარსელონაზე" უკეთეს მდგომარეობაში არიან. ამის გამო მათ შეუძლიათ, პარიზელებს უფრო კონკურენტუნარიანი წინადადებაც შესთავაზონ. მანამდე გავრცელებული ინფორმაციით, პსჟ "ლაიფციგთან" აწარმოებდა მოლაპარაკებას.
ამ სიახლეზე კომენტარები გათიშულია.
კომენტარები [ 7 ]