300 გოლი რეალ მადრიდთან ლა ლიგაში
"ელ კლასიკო" წავაგეთ, მაგრამ ისე მოხდა, რომ ესპანეთის ჩემპიონატში "რეალ მადრიდთან" 300-გოლიან ნიშნულს მივაღწიეთ და გადავაჭარბეთ კიდეც.
კატალონიური კლუბის ოფიციალური ვებ გვერდის ცნობით, ლა ლიგის ეგიდით ჩატარებულ "კლასიკოებში" "რეალ მადირდის" კარში გატანილი საიუბილეო მე-300 გოლი ანდრეას კრისტენსენის თავური აღმოჩნდა, რისთვისაც "ბლაუგრანას" გუშინ მხოლოდ მხოლოდ 6 წუთი დასჭირდა.
რთული გამოსაცნობი არაა, თუ ვინაა ამ გოლებიდან ყველაზე მეტის ავტორი. ეს 18 ბურთით ლიონელ მესია, რომელსაც 12 და 9 გოლით, შესაბამისად, სესარ როდრიგესი და ლუის სუარესი მოსდევენ. შემდეგ 8 ბურთით მოდის ესტანისლაო ბასორა, 6-6 გოლი კი კინისა და ხოსე ანტონიო სალდუას ანგარიშზეა.
საიუბილეო გოლები
ესპანეთის ჩემპიონატში "სამეფო კლუბის" წინააღმდეგ გატანილი მე-100 გოლის ავტორი უნგრელი შანდორ კოჩიშია. მან ამის გაკეთება 1962 წლის 21 იანვარს 3-1 მოგებულ შეხვედრაში მოახერხა. მე-200 გოლი რონალდოს ანგარიშზეა. ეს 1997 წლის 10 მაისს მოხდა, როდესაც ბრაზილიელის ერთადერთი ბურთით 1-0 მოვიგეთ. მე-300 გოლი, როგორც უკვე მოგახსენეთ, აქტივში დანიელმა მცველმა მიითვალა და ისტორიაშიც შევიდა.
ამ სიახლეზე კომენტარები გათიშულია.
კომენტარები [ 3 ]