ბარსელონასა და პარი სენ-ჟერმენის შეხვედრას ისტვან კოვაჩი განსჯის

ოფიციალურად დადგინდა, რომ "ბარსელონასა" და "პარი სენ-ჟერმენის" განმეორებით შეხვედრაზე ისტვან კოვაჩი იმუშავებს.

39 წლის რუმინელი არბიტრი უეფას ელიტ ჯგუფის ერთ-ერთი გამორჩეული წევრია. მან გასული სეზონის ჩემპიონთა ლიგის ფინალში მეოთხე მსაჯად იმუშავა. გარდა ამისა, კოვაჩი შარშან ერთა ლიგის 1/2-ფინალურ შეხვედრაზეც მუშაობდა, რომელიც ნიდერლანდებისა და ხორვატიის ნაკრებებს შორის გაიმართა.

ისტვან კოვაჩი "ბარსელონას" თამაშს მეორეჯერ განსჯის. პირველი შემთხვევა 2021/2022 წლების სეზონში დაფიქსირდა, როდესაც კოვაჩმა ევროპა ლიგის 1/16-ფინალში "ნაპოლისთან" გამართულ საშინაო მატჩზე იმუშავა, ის შეხვედრა კი ფრედ, 1:1 დასრულდა.

რაც შეეხება "პარი სენ-ჟერმენს", მათ მატჩებზე კოვაჩს 2-ჯერ აქვს ნამუშევარი, საიდანაც ფრანგებმა ერთი წააგეს ("ნიუკასლთან" მიმდინარე სეზონის ჩემპიონთა ლიგის ჯგუფში, 4-1), მეორე კი მოიგეს ("გალათასარაისთან" 2019 წლის სეზონის ჩემპიონთა ლიგის ჯგუფში, 5-0).