ჩავის გეგმა პსჟ-ს წინააღმდეგ
10 აპრილს "ბარსელონა" პარიზში ჩემპიონთა ლიგის მეოთხედფინალში პსჟ-ს დაუპირისპირდება. ლუის ენრიკეს გუნდი სექტემბრის შემდეგ "პარკ დე პრენსზე" არ მარცხდება - პარიზელებს სახლში 25-მატჩიანი წაუგებელი სერია აქვთ. თავის მხრივ, არც "ბარსელონაა" ცუდ ფორმაში - კლუბი ბოლო 11 მატჩი არ დამარცხებულა.
"პარი სენ-ჟერმენი" აქტიური პრესინგით გამოირჩევა. ლუის ენრიკეს ფეხბურთელები ხშირად ავიწროებენ მცველებს და აიძულებენ მათ ბურთის წინ მოგერიებას. Diario Sport იუწყება, რომ ჩავი ერნანდესი ამ საკითხის გადაჭრას ვერტიკალური პასებისა და შორეული ბურთების გამოყენებით აპირებს. "ბარსელონა" გეგმავს, პაუ კუბარსის გრძელი პასის უნარები გამოიყენოს და ამით პსჟ-ს პრესინგი დაძლიოს.
გარდა ამისა, "ბლაუგრანამ" განსაკუთრებით თავიდან უნდა აირიდოს ბურთის დაკარგვას დაცვისა და ნახევარდაცვის ზონებში. აღსანიშნავია, რომ ბოლო პერიოდში დაცვაში თამაში კატალონიელებმა საგრძნობლად გააუმჯობესეს. ამაზე მეტყველებს ის, რომ ლა ლიგაში კლუბს ბოლო 5 მატჩია, გოლი არ გაუშვია.
ამ სიახლეზე კომენტარები გათიშულია.
კომენტარები [ 8 ]