ლამინ იამალი რეკორდების დამყარებას განაგრძობს

"ბარსელონას" 16 წლის შემტევმა, ლამინ იამალმა დღეს "გრანადას" 2 გოლი გაუტანა და კარიერაში პირველი დუბლი შეასრულა. 

OptaJose-ს ინფორმაციით, ლამინ იამალი ლა ლიგის ისტორიაში პირველი ფეხბურთელია, ვინც 16 წლის ასაკში 3 გოლი გაიტანა.

17 წლის იუბილემდე ყველაზე მეტი გოლის ავტორები არიან:

• ლამინ იამალი - 3
• ანსუ ფატი - 2
• იკერ მუნიაინი - 2
• ფაბრის ოლინგა - 1
• ჩისკო ნადალი - 1

გარდა ამისა, როგორც Mundo Deportivo იტყობინება, "ბარსას" ტალანტი ლა ლიგის ისტორიაში ყველაზე ახალგაზრდა (16 წლისა და 213 დღის) ფეხბურთელია, ვინც დუბლი შეასრულა - მან ანსუ ფატის მიერ 2020 წლის თებერვალში დამყარებული რეკორდი დაამხო.

ამასთან, Sholy Nation Sports-ის ცნობით, იამალი ფეხბურთის ისტორიაში ყველაზე ახალგაზრდა მოთამაშეა, ვინც სეზონში 10+ გოლი/ასისტი მოაგროვა. წინ კიდევ 4 თვეა.

საინტერესოა, რომ ლამინს პრიმერა დივიზიონში სამივე გოლი "გრანადას" კარში აქვს გატანილი. ყველა ტურნირზე ერთად კი მის ანგარიშზე 33 მატჩი, 5 გოლი და 5 ასისტია.