ტერ შტეგენი, შესაძლოა, მოედანს მოსალოდნელზე 2 კვირით ადრე დაუბრუნდეს

მარკ-ანდრე ტერ შტეგენის რეაბილიტაციის პროცესი მოსალოდნელზე კარგად მიმდინარეობს და, შესაძლოა, ის მოედანს 2 კვირით ადრე დაუბრუნდეს.

Relevo-ს ინფორმაციით, გერმანელის დაბრუნება იანვრის ბოლოს ან თებერვლის დასაწყისისთვის იგეგმება. მან, შესაძლოა, "ალავესის" (4 თებერვალს) ან "გრანადას" (11 თებერვალს) წინააღმდეგ ითამაშოს და ჩემპიონთა ლიგის მერვედფინალში "ნაპოლისთან" მატჩისთვის ფორმა აღიდგინოს. მარკი რეაბილიტაციის მიმდინარეობით ძალიან კმაყოფილია.

ტერ შტეგენმა ბოლოს 12 ნოემბერს ითამაშა. სანაკრებო პაუზისას მან ზურგის ტრავმა მიიღო და ოპერაცია გაიკეთა.