ჩავი ერნანდესი რაიო ვალიეკანოსთან მატჩის წინ
- თამაშის დრო: შაბათი, 25 ნოემბერი, 17:00
ჩავი ერნანდესმა "რაიო ვალიეკანოსთან" მატჩის წინ პრესკონფერენცია გამართა.
"ვალიეკასი" რთული სტადიონია. ბოლო წლებში იქ გამარჯვებას ვერ ვახერხებდით. ახლა ტრავმირებული ფეხბურთელები დაგვიბრუნდნენ და ხვალ მოგებას შევეცდებით.
გავის არყოფნა დიდი დანაკლისია. ის შეუცვლელია.
ლუის დე ლა ფუენტესთან კარგი ურთიერთობა გვაქვს. გავის ტრავმა მისი ბრალი არაა - ეს გადატვირთულმა კალენდარმა გამოიწვია.
პაბლოს შემცვლელის მოყვანის საკითხზე დეკუსთან ვსაუბრობთ, მაგრამ ამ ეტაპზე ახალი არაფერია.
გავის ვუთხარი, რომ იმავე ტრავმის მიღებამ უკეთეს ფეხბურთელად მაქცია, რადგან მაშინ ყველა დეტალზე ზრუნვა დავიწყე, რათა უკეთესი პროფესიონალი გავმხდარიყავი.
ხვალ ტერ შტეგენი ვერ დაგვეხმარება. სასტარტო შემადგენლობაში ინიაკი პენია ითამაშებს.
ლევანდოვსკი უმნიშვნელოვანესი ფეხბურთელია. გუნდს ის სჭირდება და მას სჭირდება გუნდი. რობერტი გასახდელში ნამდვილი ლიდერია. მისი და იამალის ინციდენტი ნორმალურია. მსგავსი რამ მეც შემმთხვევია, ისევე როგორც პუიოლს, მესის, ვალდესს, პედროს. მედია ყველაფერს აზვიადებს. სიმართლე ისაა, რომ ლევანდოვსკი ლამინს განვითარებაში ეხმარება.
დე იონგმა სრული დატვირთვით ივარჯიშა. ის თავს კარგად გრძნობს და სათამაშოდ მზადაა.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 12 ]