გავის ოპერაცია 28 ნოემბერს ჩაუტარდება

"ბარსელონას" ახალგაზრდა ნახევარმცველმა, გავიმ, საქართველოს ნაკრებთან მატჩში უმძიმესი ტრავმა მიიღო.

ოფიციალური ინფორმაციით, 19 წლის ფეხბურთელს, ჯვარედინი იოგების გაწყვეტის გარდა მენისკიც აქვს დაზიანებული. Mundo Deportivo-ს ინფორმაციით, გავის ოპერაციას ექიმი ჟოან კარლეს მონლიაუ, 28 ნოემბერს ჩაუტარებს. 2021 წელს მან ოპერაციები ფილიპე კოუტინიოსა და მარტინ ბრეითუეიტს, ხოლო 2013 წელს კარლეს პუიოლსა და ჯონათან დოს სანტოსს ჩაუტარა.

წინასწარი ცნობებით, გავი 7-დან 9 თვე იუქმებს, რაც იმას ნიშნავს, რომ მისთვის ეს სეზონი დასრულებულია და დიდი ალბათობით, 2024 წლის ევროპის ჩემპიონატსაც გამოტოვებს.