ბარსელონა გავის შემცვლელად ტიაგო ალკანტარას განიხილავს
საქართველოს ნაკრებთან მატჩში "ბარსელონას" ესპანელმა ნახევარმცველმა, გავიმ ჯვარედინი მყესები გაიწყვიტა და წინასწარი ცნობებით 7-დან 9 თვემდე გაუცდება.
კატალონიური კლუბი მის შემცვლელს უკვე ეძებს და Sport-ის ჟურნალისტის, ჟორდი ხილის ინფორმაციით, "ლურჯ-ბროწეულისფერები" "ლივერპულის" ნახევარმცველის, ტიაგო ალკანტარას კანდიდატურას განიხილავენ, რომელსაც "სქაუზერებთან" კონტრაქტი შემდეგ ზაფხულში ეწურება. კლუბს სჯერა, რომ მას "ბარსას" დნმ აქვს. მოგეხსენებათ, ის "ბლაუგრანას" აკადემიის აღზრდილია და მშობლიური კლუბი 2013 წელს დატოვა, როდესაც მიუნხენის "ბაიერნს" შეუერთდა.
ხერარდ რომეროს ინფორმაციით კი ტიაგოს გარდა დანი პარეხოსა ("ვილიარეალი") და გვიდო როდრიგესის ("ბეტისი") შესაძლო ტრანსფერები განიხილება, რომლებიც ჩავის ფავორიტი ვარიანტებია.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 18 ]