არაუხოს გოლი და მოგება არგენტინაში

გუშინ ღამით სამხრეთ ამერიკის ზონაში მსოფლიო ჩემპიონატის შესარჩევი ეტაპის მორიგი თამაშები გაიმართა.

ტურის ცენტრალურ შეხვედრას არგენტინამ უმასპინძლა, სადაც მსოფლიოს მოქმედი ჩემპიონი ურუგვაის დაუპირისპირდა.

ლეო მესის არგენტინა მუნდიალის მოგების შემდეგ პირველად დამარცხდა, რაშიც თავისი წვლილი რონალდ არაუხომაც შეიტანა. არგენტინაში 2-0 მოგებულ შეხვედრაში ანგარიში სწორედ "ბარსელონას" ცენტრალურმა მცველმა გახსნა. არაუხომ მატჩი, რა თქმა უნდა, სრულად ჩაატარა და ის ორივე გუნდიდან საუკეთესო იყო.

არგენტინის მსგავსად წააგო რაფინიას ბრაზილიამაც, რომელიც შინ უქულოდ კოლუმბიიდან დაბრუნდა. "ბლაუგრანას" შემტევი სასტარტო შემადგენლობაში იყო და მან მოედანზე 82 წუთი გაატარა.

5 ტურის შემდეგ შესარჩევ ჯგუფს 12 ქულით არგენტინა ლიდერობს, 10 ქულით მეორეა ურუგვაი, ბრაზილია კი, რომელსაც 7 ქულა აქვს, მე-5 პოზიციას იკავებს.