ბაიერნის ახალწვეული: მე ბარსელონას ქომაგი ვარ

ბავშობაში მინდოდა, ცენტრალური მცველი ვყოფილიყავი. ყოველთვის "ბარსელონას" ვუყურებდი - ეს ჩემი გუნდია, მისი ფანი ვარ. კარლეს პუიოლსა და ჟერარ პიკეს თვალს მუდმივად ვადევნებდი.

ყველაფერი "ადელაიდა რეიდერსში" სინჯების გავლის შემდეგ შეიცვალა. თავდამსხმელი გავხდი და ბევრი გოლი გავიტანე. ყოველთვის მინდოდა, მესივით მეთამაშა - ის მოტივაციას მაძლევს, უკეთესი ფეხბურთელი გავხდე. ვცდილობ, ლეოს მივბაძო - არგენტინელივით თამაში შეუძლებელია, მაგრამ ვმუშაობ, რომ საკუთარი შესაძლებლობები ამისთვის მაქსიმალურად გამოვიყენო. მესი სწრაფი და ძლიერია.