მარკ გიუს გოლს+ასისტი და ესპანეთის წარმატებული სტარტი

დღეს მსოფლიოს 17-წლამდელთა ჩემპიონატმა აიღო სტარტი და ახალგაზრდა "ბარსელონელები" თავი პირველივე დღეს გამოიჩინეს.

ესპანეთის ნაკრები კანადას დაუპირისპირდა. "ფურია როხას" სასტარტო თერთმეტეულში "ბარსელონას" აკადემიის 6 წევრი ვიხილეთ: ექტორ ფორტი, პაუ კუბარსი, პაუ პრიმი, ჟუან ერნანდესი, კიმ ჟუნიენტი და მარკ გიუ. სწორედ ეს უკანასკნელი იქცა მატჩის გმირად.

2-0 მოგებულ შეხვედრაში მარკ გიუმ პირველი გოლი თავად გაიტანა, მეორე კი ასევე "ბარსას" ფეხბურთელს, კიმ ჟუნიენტს გაატანინა. გასაკვირი არაა, რომ შეხვედრის საუკეთესო ფეხბურთელად მარკ გიუ დასახელდა.