ალექს გრიმალდო: ბარსელონას ჩემი დაბრუნება არასდროს უცდია
"ბარსელონას" აღზრდილი და ამჟამად "ბაიერ ლევეკუზენში" მოთამაშე მარცხენა მცველი ალექს გრიმალდო კატალონიურ გუნდში მის ყოფნას იხსენებს.
ბოლო წლებში არაერთხელ გავრცელდა ინფორმაცია, რომ "ბარსას" გრიმალდოს დაბრუნება სურდა, მაგრამ საქმე რეალურ მოლაპარაკებებამდე არასდროს მისულა. ამას თავად ფეხბურთელიც ადასტურებს.
"ბარსელონას" ჩემ მიმართ რეალური ინტერესი არასდროს გამოუჩენია. ჩემს წარმომადგენელსა და "ბარსას" მწვრთნელს შორის კონტაქტი იყო, მაგრამ დაბრუნების შეთავაზება არასდროს მიმიღია. კატალონიელები უკვე არსებულ ორ განაპირა მცველზე იყვნენ ფოკუსირებულნი და სხვა ვარიანტებს არ განიხილავდნენ.
"ბარსელონამ" მსოფლიოსა და ახალგაზრდა ფეხბურთელების მენტალიტეტი შეცვალა. ახლა, როდესაც ფეხბურთელი პირველ გუნდში მოხვდება, მას აღარ აქვს ის შიში, რომელიც ჩვენ გვქონდა. ეს ფეხბურთელები თავიანთი ხასიათის წარმოჩენას ახერხებენ.
"ბარსა ბ-ში" ჩემ პირველ სეზონში ძალიან კარგი გუნდი გვყავდა. სარეზერვო გუნდი რომ არ ვყოფილიყავით, ლა ლიგაში თამაშსაც შევძლებდით.
- აცხადებს 28 წლის ფეხბურთელი.
გრიმალდო "ბარსელონაში" 2008-2016 წლებში ირიცხებოდა, აქედან ბოლო 5 წელი მან "ბარსა ბ-ში" გაატარა.
ამ სიახლეზე კომენტარები გათიშულია.
კომენტარები [ 8 ]