მალიორკა-ბარსელონა | მატჩისწინა მიმოხილვა

მალიორკა-ბარსელონა | მატჩისწინა მიმოხილვა

  • თამაშის დრო: სამშაბათი, 26 სექტემბერი, 23:30

ლა ლიგის ტურს მოქმედი ჩემპიონი ლიდერის რანგში პირველად ხვდება. პირველ მატჩში ქულების დაკარგვის შემდეგ "ბარსელონამ" ხუთივე თამაში მოიგო და კატალონიური გუნდი დღეს შეეცდება, ეს წარმატებული სერია "მალიორკასთან" გასვლით შეხვედრაში განაგრძოს.

სათამაშო ფორმა

გასულ ტურში "ბარსელონას" მიერ ნაჩვენები თამაში სასურველისგან ძალიან შორს იყო, მაგრამ ჩავის გუნდმა 8 წუთში 3 გოლის გატანა და მატჩის 0-2-დან შემოტრიალება მოახერხა.

ლა ლიგასა და ჩემპიონთა ლიგაზე "ბლაუგრანას" ზედიზედ 6 თამაში აქვს მოგებული, რისი წყალობითაც კატალონიელები ორივე ცხრილს ლიდერობენ.

"მალიორკა" სეზონის სტარტზე ცუდ ფორმაშია. ხავიერ აგირეს გუნდმა 6 შეხვედრიდან მხოლოდ 2 მოიგო, რის გამოც ბალეარელები მე-16 ადგილზე არიან.

საკუთარ კედლებში გამართულ ორ შეხვედრაში "მალიორკას" ჯერ გოლი არ გაუტანია.

დანაკლისი

"ბარსელონას" ლაზარეთში ორი მნიშვნელოვანი ფეხბურთელი ჰყავს და ორივე ნახევარმცველი - პედრი და ფრენკი დე იონგი.

მასპინძლებს ცენტრალური მცველი ანტონიო რაილო არ ეყოლებათ. საეჭვოა საყრდენი ნახევარმცველის, ომარ მოსკარელის თამაშიც.

ურთიერთშეხვედრები

ბალეარულ გუნდთან გამართული 71 თამაშიდან "ბარსამ" 42 მოიგო, 12 ფრედ დაასრულა და 17 წააგო. კატალონიელებმა გაიტანეს 142 და გაუშვეს 75 გოლი.

ბოლო წლებში "ბლაუგრანას" "მალიორკასთან" ძალიან კარგი შედეგები აქვს. კატალონიელებმა უკანასკნელი 11 თამაში მოიგეს, ბოლოს კი 2009 წელს წააგეს.

ბოლო წაგების შემდეგ "ბარსამ" მეტოქე მისსავე მოედანზე ზედიზედ 7-ჯერ დაამარცხა, აქედან ექვსჯერ ისე, რომ გოლი არ გაუშვია.

არბიტრი

შეხვედრას ალეხანდრო მუნის რუისი განსჯის.

მუნის რუისი 32 წლისაა. მან მსაჯობა 2014 წელს დაიწყო. 2019 წელს ის ესპანეთის ჩემპიონატის მე-2 დივიზიონში დაწინაურდა, 2021 წლიდან კი ლა ლიგაში მსაჯობს.

კარიერის განმავლობაში რუისი თამაშში საშუალოდ 27.9 ჯარიმასა და 0.33 თერთმეტმეტრიანს ნიშნავს, ფეხბურთელებს კი 5.3 ყვითელ და 0.4 წითელ ბარათს უჩვენებს. მის მიერ განსჯილი თამაშების 55%-ში მასპინძლები იგებენ, ხოლო 22%-ში - სტუმრები.

ალეხანდრო მუნის რუისის სტატისტიკა "მალიორკასა" და "ბარსელონას" თამაშებში:

მალიორკა ბარსელონა
თამაში 9 3
მოგება 5 3
ფრე 1 0
წაგება 3 0
მოგების % 56% 100%
სასარგებლოდ დანიშნული პენალტი 1 0
საწინააღმდეგოდ დანიშნული პენალტი 2 0
სასარგებლოდ ნაჩვენები წითელი 1 1
საწინააღმდეგოდ ნაჩვენები წითელი 0 0

სტატისტიკა

  • "ბარსელონამ" "მალიორკასთან" გამართული ბოლო 11 თამაში მოიგო;
  • "ბარსელონამ" "მალიორკასთან" სტუმრად გამართული ბოლო 7 თამაში მოიგო, აქედან 6 მშრალად;
  • "ბარსელონას" "მალიორკასთან" 2009 წლის შემდეგ არ წაუგია;
  • "ბარსელონა" "მალიორკასთან" გამართულ ბოლო 11 თამაშში პირველი ტაიმის მოგებას ახერხებდა;
  • "ბარსელონა" "მალიორკასთან" გამართულ ბოლო 20 თამაშში გოლის გატანას ახერხებდა;
  • ამ გუნდების ბოლო 8 დაპირისპირებიდან ექვსში 3 ან მეტი გოლი გადიოდა;
  • ამ გუნდების ბოლო 8 დაპირისპირებაში ანგარიშს "ბარსელონა" ხსნიდა;
  • მიმდინარე სეზონში საკუთარ კედლებში "მალიორკას" ჯერ გოლი არ გაუტანია;
  • ყველა ტურნირის გათვალისწინებით "ბარსელონას" 6-მატჩიანი მოგებათა სერია აქვს;
  • "ბარსელონას" ბოლო 5 თამაშში 3 ან მეტი გოლი გადიოდა;
  • "ბარსელონა" ბოლო 6 თამაშიდან ხუთში ანგარიშის გახსნას ახერხებდა;
  • ტოტალიზატორები "ბარსელონას" მოგებას კოეფიციენტს 1.55 ანიჭებენ, რაც მოგების 65%-იან შანსს უდრის, "ბარსა" კი ასეთი თამაშების 69%-ს იგებს.

ჩავი მატჩის წინ

"მალიორკა" ფიზიკურად ძლიერი გუნდია, მათ მოედანზე თამაში რთულია. იოლი თამაში არ გველის.

ჩავის კომენტარი სრულად

სავარაუდო შემადგენლობები

Sport

ბარსელონა (4-3-3): ტერ შტეგენი, კანსელუ, არაუხო, კრისტენსენი, ბალდე, რომეუ, გიუნდოგანი, გავი, რაფინია, ლევანდოვსკი, ფელიში.

Mundo Deportivo

ბარსელონა (4-3-3): ტერ შტეგენი, კანსელუ, კრისტენსენი, მარტინესი, ბალდე, რომეუ, გიუნდოგანი, გავი, რაფინია, ლევანდოვსკი, ფელიში.

Marca

ბარსელონა (4-3-3): ტერ შტეგენი, კანსელუ, არაუხო, მარტინესი, ბალდე, რომეუ, გიუნდოგანი, გავი, იამალი, ლევანდოვსკი, ფელიში.

AS

ბარსელონა (4-3-3): ტერ შტეგენი, კანსელუ, არაუხო, მარტინესი, ბალდე, რომეუ, გიუნდოგანი, გავი, რაფინია, ლევანდოვსკი, ფელიში.

პროგნოზი

  • WhoScored: 0-2
  • Sportsmole: 1-2
  • Sportskeeda: 0-4
  • 90min: 0-2

  • ტეგები
    გაწევრიანდი "ბარსელონას" გულშემატკივრების Facebook ჯგუფში

    კომენტარები [ 11 ]

    ინფორმაცია
    ამ სიახლეზე კომენტარები გათიშულია.
    საიტის ლეგენდა  [?]
    #11 26 სექტემბერი 2023 20:42
    1
    სულ 2 მატჩი ჩაატარა სახლში (0:0 - 0:1) იმედია ამ მშრალ სერიას დღესაც არ დაარღვევენ და მერე გინდა 8 გოლი გაიტანონ 1 მატჩში.

    ციტატა: Don_Andresito
    ციტატა: PavleG
    ვირცზე დაიწერა რამდენიმე წყაროსგან რომ ბარსელონას სურს შეძენა და აპირებენ მოლაპარაკებების დაწყებას, საიტზე კიდე არაფერი წერია ამის შესახებ 😁

    ლო ჩელსოზეც დაიწერა და გვიდოზეც იანვარშივეო, მარა აქ აღარაფერი იწერება. ინერციით შემოვდივარ თორე მკვდარია ეს საიტი რა ხანია

    ერთი პერიოდი დღეში იმდენი სიახლე იდებოდა, რამდენიც ახლა 2 კვირაში.
    საკმარისია 3 დღეში ერთხელ შემოხვიდე, წაიკითხო 4-5 ნიუსი და მორჩა.
    ფანი [?]
    #10 26 სექტემბერი 2023 18:04
    2
    ციტატა: araujo4
    არავის ტრავმა არაა სასიხარულო, მაგრამ არდა გიულერზე ალალი მგონია კიდე რო დაიმტვრა. ცოდვები))

    პერესი დამანახა ერთი სიამოვნება იქნება დაჭეჭყილი სიფათის ყურება😃
    ფანი [?]
    #9 26 სექტემბერი 2023 17:24
    2
    ციტატა: araujo4
    არავის ტრავმა არაა სასიხარულო, მაგრამ არდა გიულერზე ალალი მგონია კიდე რო დაიმტვრა. ცოდვები))

    ზუსტად ერთი საათის წინ მეგობარს ვეუბნები გიულერი დაბრუნდა ტრავმიდან და იმედია პირველივე თამაშში შეაგდებენ რო ადაპტაცია ვერ გაიაროს მეთქი. ისე აგიხდა ყველაფერი, შეაგდებენ კიარა კიდე დაილეწა ეგ საწყალი :დდდ
    გულშემატკივარი [?]
    #8 26 სექტემბერი 2023 17:14
    1
    არავის ტრავმა არაა სასიხარულო, მაგრამ არდა გიულერზე ალალი მგონია კიდე რო დაიმტვრა. ცოდვები))
    საიტის ლეგენდა  [?]
    #7 26 სექტემბერი 2023 16:32
    1
    საკუთარ კედლებში გამართულ ორ შეხვედრაში "მალიორკას" ჯერ გოლი არ გაუტანია.
    იმედი მაქვს ვერც დღეს გაიტანს.
    Culé [?]
    #6 26 სექტემბერი 2023 15:44
    0
    დაცვის ცენტრის გადახალისებას ველი.
    [?]
    #5 26 სექტემბერი 2023 15:35
    2
    ციტატა: PavleG
    ვირცზე დაიწერა რამდენიმე წყაროსგან რომ ბარსელონას სურს შეძენა და აპირებენ მოლაპარაკებების დაწყებას, საიტზე კიდე არაფერი წერია ამის შესახებ 😁

    ლო ჩელსოზეც დაიწერა და გვიდოზეც იანვარშივეო, მარა აქ აღარაფერი იწერება. ინერციით შემოვდივარ თორე მკვდარია ეს საიტი რა ხანია
    Culé [?]
    #4 26 სექტემბერი 2023 13:51
    2
    ახლა რეალთან ჰანდიკაპის შენარჩუნება ცხრილში მნიშვნელოვანია, გაუჭირდებათ ფრენკის გარეშე მაგრამ უნდა მოახერხონ და მოიგონ რამენაირად, ალბათ ისევ გავი შეითავსებს ბურთის ამოტანას, გუნდოგანი ისევ წინ იქნება ბოლო პასზე, თან მეტნაკლებად კარგად გამოუვიდა გავის წინა თამაშში ფრენკის ჩანაცვლება.
    --------------------
    "ჩვენ ორი ვართ ქვეყანაზე, მე და ბარსა, მე და ბარსა!!!"
    Culé [?]
    #3 26 სექტემბერი 2023 13:19
    5
    ციტატა: PavleG
    ვირცზე დაიწერა რამდენიმე წყაროსგან რომ ბარსელონას სურს შეძენა და აპირებენ მოლაპარაკებების დაწყებას, საიტზე კიდე არაფერი წერია ამის შესახებ 😁

    ოღონდ ეგ ბიჭი მოიყვანონ და მეტი არაფერი მიინდა. დე იონგი გავი პედრი ვირცი და ერთი საყრდენი ნახევარმცველი რომ მოგვაყვანინა, მინიმუმ 8 წელი ნახევარმცველის შეძენა არც მოგვიწევს .
    წევრი [?]
    #2 26 სექტემბერი 2023 12:50
    3
    ვირცზე დაიწერა რამდენიმე წყაროსგან რომ ბარსელონას სურს შეძენა და აპირებენ მოლაპარაკებების დაწყებას, საიტზე კიდე არაფერი წერია ამის შესახებ 😁
    Culé [?]
    #1 26 სექტემბერი 2023 11:41
    2
    უეჭველი მოსაგებია