ატლეტიკომ რეალ მადრიდი 3-1 დაამარცხა - ბარსელონა ლიდერობას ინარჩუნებს

ლა ლიგის მე-6 ტურში მადრიდის "ატლეტიკომ" "რეალ მადრიდი" 3-1 დაამარცხა, რაც ნიშნავს, რომ "ბარსელონა" ლიდერობას ინარჩუნებს. 

დიეგო სიმეონეს გუნდი ალვარო მორატასა და ანტუან გრიზმანის გოლებით მე-18 წუთზე უკვე 2-0 იგებდა. 35-ე წუთზე ტონი კროოსმა 1 ბურთი გაქვითა, მაგრამ კარლო ანჩელოტის შეგურდებმა მატჩი ვერ გადაარჩინეს - მეორე ტაიმის სტარტზე მორატამ დუბლი შეასრულა და საბოლოო ანგარიში, 3-1 დააფიქსირა.

"ბარსელონა" ესპანეთის ჩემპიონატში 16 ქულით პირველ ადგილზეა. ამდენივე ქულა აქვს "ჟირონასაც", მაგრამ "ბარსა" ბურთების უკეთესი შეფარდების გამო ლიდერობს. "რეალ მადრიდი" 15 ქულით მე-3 პოზიციაზე იმყოფება, მე-4 ადგილს 13 ქულით "ბილბაო" იკავებს, "ატლეტიკო" კი 10 ქულით მე-5 პოზიციაზეა.

"ბლაუგრანამ" ამ ტურში საოცარი ქამბექი შემოგვთავაზა და "სელტას" 0-2-დან 3-2 მოუგო.