ფეხბურთელთა კომენტარები ანტვერპენთან მატჩის შემდეგ

ყველამ დიდებულად ვითამაშეთ. გამარჯვება ძალიან გვიხარია.

თანაგუნდელები მეხმარებიან. მარტო ვერაფერს ვიზამდი. ყველანი ერთმანეთს ვეხმარებით და გვინდა, კლუბს წარმატებები მოვუტანოთ.

ასე უნდა გავაგრძელოთ. ყველაზე რთული რამ ამ ფორმის შენარჩუნებაა.

ჩემპიონთა ლიგა ძალიან კარგად დავიწყეთ და ბედნიერი ვარ. შესანიშნავი შემადგენლობა გვყავს და თუ ყველაფერს სწორად გავაკეთებთ, დიდი მიზნებისთვის ბრძოლა შეგვიძლია. მაგრამ ეს მხოლოდ და მხოლოდ პირველი მატჩი იყო და ემოციებში არ უნდა გადავეშვათ - დასკვნების გამოტანა ჯერ ძალიან ადრეა. 

ჟოაუ ფელიში ძალიან ნიჭიერია და თავის პოტენციალს უკვე ავლენს. ის ძალიან დაგვეხმარება. ჟოაუ კანსელუ კი მარჯვენა მცველია, მაგრამ ნახევარდაცვას ხშირად უერთდება. ის შეტევაში ბევრს გვმატებს.

კონტრაქტის გახანგრძლივება? ამაზე ჩემი აგენტი მუშაობს. აქ ძალიან ბედნიერი ვარ.

ჩვენ ყოველთვის მეტი გვსურს. გასულ წელს მეორე გოლის გატანა ძალიან გვიჭირდა. გვინდა, ბევრი გავიტანოთ.

დაცვა ჩემთვის ძალიან მნიშვნელოვანია. კარგად გამოვიყურებით და ვფიქრობ, ასეც გავაგრძელებთ. წინ მთელი სეზონია.

ჟოაუებმა ადაპტაცია მალევე გაიარეს და ძალიან კარგად თამაშობენ. კანსელუ შეტევაში დიდ მონაწილეობას იღებს. 

გუნდით ვამაყობ. ბევრი შანსი შევქმენით და 5 გოლი გავიტანეთ - ეს ნიშნავს, რომ ყველაფერს ვაკონტროლებთ. როცა შემტევ ფეხბურთს ვთამაშობთ, ბევრი გოლი გაგვაქვს.

ჟოაუ ფელიში წინ თამაშობს და მომენტებს ქმნის როგორც ბურთით, ისე მის გარეშე. პორტუგალიელს ძალიან კარგად ვუგებ.