ჩავი ერნანდესი ანტვერპენთან მატჩის შემდეგ

შედეგითა და თამაშის ხარისხით ძალიან ბედნიერი ვარ. დღევანდელი შეხვედრა "ბეტისის" წინააღმდეგ გამართულ მატჩთან ერთად "ბარსაში" ჩემი მწვრთნელობის პერიოდში საუკეთესოა.

გიუნდოგანი და კანსელუ ისეთი მწვრთნელის (გვარდიოლა) ხელში თამაშობდნენ, რომელიც კარგ ფეხბურთს ქადაგებს. მათი თამაშის ხილვა სიამოვნებაა. ილქაისთვის რამის თქმა საჭირო არაა - მან ყველაფერი თავად იცის, ისევე, როგორც ჟოაუმ.

ეს დონე და მიზნისკენ სწრაფვა უნდა შევინარჩუნოთ.

ვან ბომელმა მითხრა, რომ ძალიან კარგი გუნდი მყავს და მას ვუთხარი, რომ კი, კარგ ფორმაში ვართ.

ჟოაუ ფელიშს თავისი როლი შესანიშნავად ესმის. ვხედავ, რომ ის ბედნიერია და ერთობა.

არტურ ვერმეერენი დღეს კომფორტულად არ იყო, მაგრამ ის შესანიშნავი ფეხბურთელია და დიდი მომავალი აქვს.