ჩავის იამალის დატვირთვა არ სურს

Sport-ის ინფორმაციით, ჩავის ლამინ იამალისთვის სპეციალური როტაციის გეგმა აქვს შემუშავებული.

სეზონის დაწყებიდან იამალმა მოედანზე 339 წუთი გაატარა. ლამინი ჯერ მხოლოდ 16 წლისაა, ტრავმისა და გადაღლის რისკის მინიმუმამდე დასაყვანად, ჩავის სურს, ფეხბურთელს მომდევნო მატჩებში დასვენების საშუალება მისცეს.

ლამინი "ბლაუგრანასთვის" მნიშვნელოვან ფიგურად ყალიბდება, აქედან გამომდინარე, კლუბში ხვდებიან, რომ სიფრთხილის გამოჩენა აუცილებელია.

ბოლო ცნობების მიხედვით, იამალი "ბარსასთან" კონტრაქტს 2026 წლამდე გაახანგრძლივებს.