3 ხელშეუხებელი ფეხბურთელი ჩავისთვის
Mundo Deportivo-ს ინფორმაციით, ჩავის მიმდინარე სეზონში 3 ხელშეუხებელი ფეხბურთელი ჰყავს - ტერ შტეგენი, ჟიულ კუნდე და ფრენკი დე იონგი, რომლებსაც ჯერ ერთი წუთიც კი არ გაუცდენიათ და ოთხივე მატჩში მოედანზე ბოლომდე დარჩნენ.
ჩავის ერნანდესის გუნდში აღნიშნული სამეულის როლი მართლაც გამორჩეულია. ტერ შტეგენის სტატუსი ეჭვქვეშ არასდროს ყოფილა - მან ნდობა გაამართლა და გასულ სეზონში სამორას პრიზსაც დაეუფლა. კუნდე გასულ სეზონში უმეტესად მარჯვენა ფლანგზე თამაშობდა, მაგრამ ცენტრში დაბრუნების შემდეგ მისი პერფორმანსი ნამდვილად შთამბეჭდავია. დე იონგი კი ლა ლიგის მიმდინარე სეზონში საუკეთესო ნახევარმცველი და გუნდის ერთ-ერთი ლიდერია.
რაც შეეხებათ სხვებს - რობერტ ლევანდოვსკიმაც ოთხივე მატჩი სასტარტო შემადგენლობიდან დაიწყო და მხოლოდ ერთხელ შეცვალეს - "ოსასუნასთან" გამართულ შეხვედრაში ჩავიმ პოლონელი მოედნიდან მატჩის დასრულებამდე 1 წუთით ადრე გაიყვანა.
ასევე ყველა მატჩში ძირითადში იყვნენ ახალწვეულები - ორიოლ რომეუ და ილქაი გიუნდოგანი, ისევე, როგორც ანდრეას კრისტენსენი, მაგრამ მათ მოედანზე ნაკლები დრო გაატარეს.
ლამინ იამალმა და გავიმ მონაწილეობა ოთხივე შეხვედრაში მიიღეს, მაგრამ სასტარტოში სამჯერ იყვნენ.
ამ სიახლეზე კომენტარები გათიშულია.
კომენტარები [ 17 ]