ალექს ბალდე: მინდა, ჩემი ცხოვრების კლუბში ისტორია დავწერო
ალეხანდრო ბალდემ Mundo Deportivo-სთან ისაუბრა:
ვფიქრობ, "ბარსელონა" ჩემპიონთა ლიგის მოგების ერთ-ერთი ფავორიტია. ჩვენ "ბარსა" ვართ და ყველა ტურნირზე ფავორიტები უნდა ვიყოთ.
ჩემპიონთა ლიგაზე წელს ბევრად უკეთესად უნდა გამოვიდეთ. სატრანსფერო ფანჯარაზე გავძლიერდით და ბევრად კარგი გუნდი გვყავს. ყველა ტიტულისთვის ვიბრძოლებთ და ვეცდებით, თითოეული მატჩი მოვიგოთ.
ჩემპიონთა ლიგის მოგება ყველა ჩვენგანის ოცნებაა. ეს დიდი გამოწვევაა.
მართალია, რომ ამ სეზონში განსხვავებულად ვთამაშობ. შეტევის დროს გარემარბი ვარ, დაცვის დროს კი - მარცხენა მცველი.
ვცდილობ, მაქსიმუმი გავიღო, რადგან ეს ჩემი ახალი პოზიციაა - ნელ-ნელა ვეჩვევი და მჯერა, რომ ყველაფერი კარგად წავა.
იამალი კარგი ფეხბურთელია და შესანიშნავი მენტალიტეტი აქვს. ის "ბარსასა" და ესპანეთის ნაკრებს ძალიან დაეხმარება. ჩვენ ერთად გავიზარდეთ და ერთმანეთს დიდი ხანია, ვიცნობთ.
16 წლის ასაკში ლამინი ისე თამაშობს, თითქოს უკვე დიდი ხანია, პირველ გუნდში ასპარეზობს.
ანსუ ფატი ჩემთვის ძმასავითაა. თუ მას სჯერა, რომ იჯარით წასვლა კარგი გადაწყვეტილებაა, მხარი უნდა დავუჭიროთ.
ამ სიახლეზე კომენტარები გათიშულია.
კომენტარები [ 6 ]