ლამინ იამალი 17-წლამდელთა მსოფლიო ჩემპიონატზე არ წავა

კატალონიის რადიოს ცნობით, "ბარსელონა" და ესპანეთის ფეხბურთის ფედერაცია შეთანხმდნენ, რომ ლამინ იამალი 17-წლამდელთა მსოფლიო ჩემპიონატზე მონაწილეობას არ მიიღებს.

ინდონეზიაში გასამართ მუნდიალზე წასვლის შემთხვევაში, 16 წლის ფეხბურთელი "ბარსას" ლა ლიგის 4 მატჩში ("სოსიედადის", "ალავესის", "რაიო ვალიეკანოსა" და "ატლეტიკოს" წინააღმდეგ) დააკლდებოდა და ჩემპიონთა ლიგის ჯგუფური ეტაპის 2 შეხვედრაშიც ("შახტართან" და "პორტუსთან") არ ეყოლებოდა, რადგან ტურნირი სტარტს 10 ნოემბერს აიღებს და 2 დეკემბერს დასრულდება.

ლამინ იამალის "ბარსელონაში" დარჩენა ძალიან მნიშვნელოვანია, რადგან ბოლო პერიოდში ის სასტარტო შემადგენლობის წევრად იქცა და 16 წლის ფეხბურთელის რამდენიმე მატჩში არყოლა ჩავის გუნდისთვის სასურველი ნამდვილად არ იქნებოდა.