ბარსელონას დარჩენილი მატჩები სექტემბერში

"ბარსელონა" სექტემბრის სანაკრებო პაუზის შემდეგ მიმდინარე თვეში კიდევ 4 მატჩს გამართავს. 

კატალონიური კლუბი 16 სექტემბერს, თბილისის დროით 23:00 საათზე, "მონჟუიკზე" "რეალ ბეტისს" უმასპინძლებს.

3 დღის შემდეგ, 19 სექტემბერს, ასევე 23:00 საათზე, "ბარსას" უკვე ჩემპიონთა ლიგის ჯგუფური ეტაპის პირველი შეხვედრა ელის, რომელსაც სახლში "ანტვერპენის" წინააღმდეგ ჩაატარებს.

ჩემპიონთა ლიგაზე გასამართი მატჩის შემდეგ "ბარსელონა" 24 სექტემბერს (19:30) კატალონიაში ვიგოს "სელტას" შეხვდება, 27 სექტემბერს (19:30) კი გასვლაზე "მალიორკას" დაუპირისპირდება და მიმდინარე თვეს ამით დახურავს.