რეალ მადრიდი ფიქრობს, რომ ბარსელონას მსაჯები ეხმარებიან
AS-ის ინფორმაციით, "რეალ მადრიდში" ფიქრობენ, რომ ლა ლიგის მიმდინარე სეზონში მსაჯები "ბარსელონას" სასარგებლოდ მოქმედებენ.
წყაროს ცნობით, მადრიდულ კლუბში სჯერათ, რომ "ვილიარეალთან" და "ოსასუნასთან" მატჩებში მსაჯებმა ისეთი გადაწყვეტილებები მიიღეს, რომ ჩავი ერნანდესის გუნდისთვის სიტუაცია არ გაერთულებინათ. ისინი ამბობენ, რომ "ბარსას" კარში ალექსანდერ სორლოტის გოლი თამაშგარე არ ყოფილა, "ოსასუნას" წინააღმდეგ ჟიულ კუნდეს გოლი კი თამაშის წესების დარღვევით გავიდა.
"რეალ მადრიდი" მსაჯებზე ძალიან გაბრაზებულია და საკამათო გადაწყვეტილებებს კლუბის არხზე აჩვენებს, რათა "ბლაუგრანა" დააკნინოს. ამასთან, ისინი ამტკიცებენ, რომ "ხეტაფესთან" მატჩში არბიტრმა კარლო ანჩელოტის შეგირდები დაჩაგრა.
ნეგრეირას საქმის შემდეგ ფლორენტინო პერესის კლუბმა არბიტრებზე დაკვირვება დაიწყო. "რეალ მადრიდმა" თავის მატჩებში მსაჯების მიერ მიღებული "უსამართლო" გადაწყვეტილებების კრებული შეადგინა და "ბარსელონას" წინააღმდეგ ზომების მიღებას აპირებს.
ზემოხსენებული გამოცემის თანახმად, მსგავსი ეჭვები "ბარსაშიცაა" და "ბლანკოსის" წინააღმდეგ სამხილები აქვს, რომელშიც მათ სასარგებლოდ არბიტრთა მიერ მიღებული გადაწყვეტილებებია მოცემული.
ამ სიახლეზე კომენტარები გათიშულია.
კომენტარები [ 21 ]