ჩავი ერნანდესი ოსასუნასთან მატჩის შემდეგ

დღეს გუნდმა ბევრი იბრძოლა. "ელ სადარზე" თამაში ყოველთვის რთულია.

მომენტების შექმნა გვიჭირდა, ფლანგებიდან უფრო უნდა გვეაქტიურა, მაგრამ ურთულეს სტადიონზე 3 ქულა მოვიპოვეთ.

დაცვაში გუნდი შესანიშნავი იყო.

ბევრ მონაკვეთში ვდომინირებდით და ეს უნდა გამოგვეყენებინა.

ჟოაუების მიდგომა ძალიან მომწონს.

ფელიში გუნდს ბევრს მატებს, მისი მონდომება გამოსარჩევია. კანსელუ უნივერსალია და ბევრ ვარიანტს მაძლევს. ისინი გუნდისთვის ძალიან მნიშვნელოვანი მოთამაშეები იქნებიან, ისევე, როგორც ინიგო.

კანსელუს ვუთხარი, რომ ნახევარდაცვიდან გარემარბზე პასის გაკეთება შეეძლო. ის შეტევის დროს შუახაზს უნდა შეუერთდეს. მთავარი მიზანი ბურთის ცენტრში კონტროლია.

ფელიშს ცრუ ცხრიანობაც შეუძლია. ვფიქრობ, ის მარცხენა ფლანგზე კომფორტულადაა. ჟოაუ მარჯვნივაც კი ითამაშებს, მაგრამ ეს ხშირად არ უწევდა.

ბოლო 4 ქულა რობერტმა მოგვიტანა. დღეს ის კარგი იყო. პოზიციურად, მარტივად ითამაშა. ზოგჯერ მას ზედმეტად აკრიტიკებენ.

პოლონელს ახალი როლი აქვს - ბურთს ხშირად არ ეხება. როგორ შეიძლება იმის თქმა, რომ ლევანდოვსკი ცუდ ფორმაშია, როცა ბოლო ორ მატჩში 2 გოლი გაიტანა?

დღეს მსაჯებს 10 ქულიდან 10-ს დავუწერდი, განსაკუთრებით მეოთხე არბიტრს, რომელიც არ ნერვიულობდა და კომუნიკაციის წინააღმდეგ არ იყო - მხოლოდ ამას ვითხოვთ.

შესაძლო 12 ქულიდან 10 გვაქვს. ზოგჯერ კარგად ვთამაშობთ, დღეს ასე არ ყოფილა, მაგრამ წინსვლა უნდა გავაგრძელოთ და საკუთარ თავს მეტი მოვთხოვოთ.