ვილიარეალი 3-4 ბარსელონა | მოგება დრამატულ ბრძოლაში

"ბარსელონამ" ლა ლიგის მე-3 ტურში "ვილიარეალი" დრამატულ მატჩში 4-3 დაამარცხა.
"ბარსამ" 2 გოლი სტარტზევე გაიტანა - ლამინ იამალის ბრწყინვალე ასისტით გავიმ ანგარიში თავური დარტყმით გახსნა, მალევე კი ფრენკი დე იონგმა კატალონიელთა უპირატესობა ორამდე გაზარდა და გუნდი 15 წუთის შემდეგ უკვე სოლიდური სხვაობით იგებდა. მიუხედავად ამისა, 26-ე წუთზე ხუან ფოიტმა 1 ბურთი გაქვითა, 40-ზე კი ალექსანდერ სორლოტმაც შეაგდო და პირველი ტაიმი 2-2 დასრულდა.
მეორე ნახევრის დაწყებიდან მალევე, 50-ე წუთზე ალექს ბაენამ "ვილიარეალი" წინ გაიყვანა. "ცივი შხაპის" მიღების მიუხედავად, ჩავის შეგირდებმა მატჩი შემოატრიალეს - ჯერ, 68-ე წუთზე, ცვლილებაზე შემოსულმა ფერან ტორესმა წონასწორობა აღადგინა, ამ გოლიდან 3 წუთში კი რობერტ ლევანდოვსკიმაც (ლამინ იამალის დარტყმა მეკარემ მოიგერია, ძელიდან ასხლეტილი ბურთი კი პოლონელს მიუვიდა) გაიტანა და "ბარსელონამ" "სერამიკაზე" 4-3 მოიგო.
მატჩის საუკეთესო ფეხბურთელად 16 წლის ლამინ იამალი დასახელდა.
"ბარსა" ესპანეთის ჩემპიონატის მე-4 ტურში 3 სექტემბერს "ოსასუნას" დაუპირისპირდება.
ამ სიახლეზე კომენტარები გათიშულია.
კომენტარები [ 7 ]