სამსაჯო კომიტეტმა დაადგინა, რომ გავის ხეტაფესთან ხელით არ უთამაშია
კატალონიური DiariAra-სა და OnzeTV-ის ჟურნალისტის, ჟოან ფაბრეგასის ინფორმაციით, ესპანეთის ფეხბურთის ფედერაციის სამსაჯო ტექნიკურმა კომიტეტმა დაადგინა, რომ "ბარსელონასა" და "ხეტაფეს" შორის ლა ლიგის პირველ ტურში გამართული შეხვედრის მე-100 წუთზე გავის მეტოქის საჯარიმოში ხელით არ უთამაშია და, შესაბამისად, "ბარსას" სასარგებლოდ პენალტი უნდა დანიშნულიყო.
წყაროს ცნობით, ამ გადაწყვეტილების მიღების გამო აღნიშნული მატჩის არბიტრი სეზარ სოტო გრადო დაისჯება და მეორე ტურში ვეღარ იმსაჯებს.
"ალფონსო" პერესზე გამართული მატჩის დამატებული დროის მიწურულს ხოსე იგლესიასმა საკუთარ საჯარიმოში რონალდ არაუხოს წინააღმდეგ თამაშის წესები აშკარად დაარღვია, თუმცა მსაჯმა VAR-ზე გადამოწმების შემდეგ აღნიშნულ მომენტამდე გავის მიერ ბურთზე ხელით თამაში დააფიქსირა, რაც საკამათო გადაწყვეტილება იყო.
ამ სიახლეზე კომენტარები გათიშულია.
კომენტარები [ 16 ]