ოფიციალურად: ბარსელონამ რობერტო, აბდე და რომეუ დაარეგისტრირა

"ბარსელონამ" ლა ლიგაში კიდევ სამი ფეხბურთელი დაარეგისტრირა.

ესპანეთის ჩემპიონატში თამაშის უფლება სერჟი რობერტომ, ორიოლ რომეუმა და აბდე ეზალზულიმ მოიპოვეს. მაროკოელი 16-ნომრიანი მაისურით იასპარეზებს, ესპანელი ნახევარმცველი კი 18 ნომერს მოირგებს. 

"ბარსას" დასარეგისტრირებელი მარკოს ალონსო, ინიაკი პენია, ალეხანდრო ბალდე და ინიგო მარტინესი დარჩა, მაგრამ აღსანიშნია, რომ ინიგო ჯერ ბოლომდე არ გამოჯანმრთელებულა, რის გამოც მისი დარეგისტრირება საჩქარო არაა, ბალდეს კი მეორე გუნდის წევრის სტატუსით თამაშიც შეუძლია. ამის მიუხედავად, კლუბი ყველა ფეხბურთელის სწრაფად დარეგისტრირებაზე მუშაობს.

"ბარსელონა" ლა ლიგის 2023/24 წლების სეზონის პირველ თამაშს დღეს, თბილისის დროით 23:30 საათზე სტუმრად "ხეტაფესთან" გამართავს.