ბარსელონამ ორიოლ რომეუ წარადგინა

სახლში დაბრუნება და გუნდის დახმარების შანსის მიღება დიდებული გრძნობაა.

ეს ჩემს კარიერაში ერთ-ერთი საუკეთესო გამოწვევაა, რომელსაც იდეალურ დროს ვიღებ.

წასვლის შემდეგ ბევრი რამ ვისწავლე და ვგრძნობ, რომ ამ გამოწვევისთვის მზად ვარ. როცა სეზონი დაიწყება, მოედანზე დავამტკიცებ, რომ უმაღლეს დონეზე თამაში შემიძლია.

ოპტიმისტურად ვარ განწყობილი. ინგლისში კარგად ვთამაშობდი, "ჟირონაში" კი იმიტომ წავედი, რომ შემტევი სტილის გუნდია. ახლა კი დიდ კლუბში გადასვლა მსურდა და ამას მივაღწიე.

ჩავი ჩემი კუმირია. გასული სეზონის დასრულების შემდეგ მან დამირეკა და მითხრა, რომ გუნდში ჩემი მოყვანა სურდა - ამან ძალიან გამაბედნიერა.

ვიცი, რომ ჩავი პიროვნულად კარგად მიცნობს. ძალიან ბედნიერი ვარ, რომ მას ჩემი ტრანსფერი სურდა. მინდა, იმედები ჩემი პერფორმანსით გავუმართლო.

"ჟირონას" ჩემი გაშვება არ უნდოდა, მაგრამ, საბოლოოდ, მათ ჩემი პოზიცია გაიგეს.

მათ გარეშე დღეს აქ არ ვიქნებოდი. დარწმუნებული ვარ, "ჟირონა" პროგრესს გააგრძელებს.

საკუთარ თავს ძალიან ოპტიმისტ ადამიანად მივიჩნევ და ვფიქრობ, წინ ჯერ კიდევ ბევრი კარგი რამ მელის.

ბოლო 2-3 წელია, კარგ ფორმაში ვარ, "ჟირონაში" გადასვლა კი განვითარების საშუალება იყო, მიუხედავად იმისა, რომ ზოგი ამ ტრანსფერს უკან გადადგმულ ნაბიჯად მიიჩნევდა.

სერხიო ბუსკეტსმა ეპოქა შექმნა. ის ისტორიაში საუკეთესო საყრდენი ნახევარმცველია.

"ბარსაში" მისი წასვლის შემდეგ მოსვლა დიდი გამოწვევაა. 

შენ დიდებული სეზონი გქონდა და ყველა გაგვაოცე.

"ბარსაში" უკვე გითამაშია და ეს დაგეხმარება. როცა წახვედი, ნახევარდაცვაში დიდი კონკურენცია იყო, ახლა კი ისევ აქ ხარ. 

ვიმედოვნებ, დიდ წარმატებებს მიაღწევ. ვიცი, რომ დიდი მოტივაციით დაბრუნდი. არ დავიწყებ იმის ახსნას, ეს კლუბი რამდენად დიდია, უბრალოდ, გთხოვ, რომ გასახდელ ოთახში შენი ხასიათი გამოავლინო.

როცა ბუსი მიდის, მნიშვნელოვანი გამოწვევა ჩნდება. ეს გრძელი პროცესი იყო და ბევრი ვარიანტი განვიხილეთ. ორიოლს ჩვენი დნმ აქვს, ის აქაურია. რომეუს მენტალიტეტი გამოსარჩევია.