ბარსელონა და ლამინ იამალი ახალი კონტრაქტის ყველა დეტალზე შეთანხმდნენ

ლამინ იამალი დღეს 16 წლის გახდა, რაც იმას ნიშნავს, რომ მას "ბარსელონასთან" პროფესიონალური კონტრაქტის გაფორმების უფლება აქვს.

ავტორიტეტული ჟურნალისტის, ფაბრიციო რომანოს ინფორმაციით "ბლაუგრანამ" ახალგაზრდა ტალანტის აგენტთან, ჟორჟე მენდეშთან ახალ კონტრაქტზე სრულ შეთანხმებას მიაღწია. იამალის ახალი ხელშეკრულება მოქმედი 2026 წლამდე იქნება. ვრცელდება ცნობები, რომ მხარეებმა კონტრაქტის კიდევ 2 წლით გახანგრძლივების შესაძლებლობაც გაითვალისწინეს.

ლამინ იამალი ამჟამად "ლა მასიას" მთავარი ტალანტია. მას დიდ მომავალს უწინასწარმეტყველებენ. 16 წლის შემტევი მომდევნო სეზონში პირველ გუნდთან ერთად ივარჯიშებს, მაგრამ ძირითადად "ბარსა ატლეტიკში" ითამაშებს.