ერთი ნაბიჯი მეორე დივიზიონამდე - ბარსა ატლეტიკმა მინი ელ კლასიკო მოიგო

გუშინ "ბარსელონას" ახალგაზრდულ გუნდს, "ბარსა ატლეტიკს" ძალიან მნიშვნელოვანი თამაში ჰქონდა. რაფა მარკესის გუნდი მინი ელ კლასიკოში "რეალ მადრიდ კასტილიას" მასპინძლობდა.

"ბარსელონასა" და "რეალ მადრიდის" ახალგაზრდული გუნდები ერთმანეთს ესპანეთის მეორე დივიზიონში გადასასვლელი ფლეი ოფის ნახევარფინალში შეხვდნენ.

ბარსელონაში გამართული შეხვედრა მასპინძელთათვის ცუდად დაიწყო - მე-14 წუთზე ანგარიში მადრიდელებმა გახსნეს. თუმცა პირველი ტაიმი მაინც "ბარსა ატლეტიკმა" მოიგო. მე-19 წუთზე ანგარიში შადი რიადმა გაათანაბრა, 44-ე წუთზე კი რობერტო ფერნანდესმა წინ "ბლაუგრანა" გაიყვანა.

68-ე წუთზე სტუმრებმა ანგარიში გაათანაბრეს, მაგრამ დარჩენილ დროში კრუს ლუისიმიმ დუბლი შეასრულა და "ბარსა ატლეტიკმა" 4-2 მოიგო.

განმეორებითი შეხვედრა 11 ივნისს მადრიდში გაიმართება. მოპოვებული უპირატესობის შენარჩუნების შემთხვევაში "ბარსა ატლეტიკი" ფლეი ოფის ფინალში გავა.