ჟორდი ალბას გამოსამშვიდობებელი სიტყვით გამოსვლა

უპირველესად, მინდა, მადლობა გადავუხადო გულშემატკივრებს. თამაშის შემდეგაც აღვნიშნე და კიდევ გავიმეორებ: თქვენ მე კარიერაში საუკეთესო ეპიზოდი მაჩუქეთ. უკეთეს გაცილებას საუკეთესო ოცნებებშიც კი ვერ წარმოვიდგენდი.

მინდა, დღევანდელ დღეს ტიტო ვილანოვას ხსოვნას პატივი მივაგო.

ლა მასიაში გატარებული პირველი პერიოდი ძალიან კარგად მახსოვს. ყოველთვის სიამაყით გავიხსენებ, რომ "სიუტატ ესპორტივას" ბაზის მშენებლობის პირველი აგურის დადების პატივი მხვდა.

აქაური ყოველდღიური ცხოვრება ძალიან მომენატრება.

მინდა, მადლობა გადავუხადო ჩემს პაპას. ის ძალიან მენატრება. ცუდია, რომ მან "ბარსელონას" პირველი გუნდის მაისურში ვერ მიხილა. მე ეს შევძელი, პაპა.

მადლობა მშობლებს იმ ღირებულებებისთვის, რომლებითაც აღმზარდეს და უფლებისთვის, საკუთარი ცხოვრება ფეხბურთისთვის მიმეძღვნა.

ეს არ არის საბოლოო გამომშვიდობება, კიდევ შევხვდებით.

როდესაც "ლა მასიას" ვტოვებდი, არ მეგონა, თუ "ბარსაში" დავბრუნდებოდი. ამისთვის იღბალია საჭირო.

როდესაც პატარა ვიყავი, ჩემთვის არავის არაფერი მოუცია. ამ ყველაფრის მიღწევა ძალიან რთული იყო. ახლა კი მიხარია, რომ ახალგაზრდა ფეხბურთელებს, სტაფსა და კლუბს ვეხმარები.

მადლობა ლუის ენრიკეს მსოფლიო ჩემპიონატზე გამოცხადებული ნდობისთვის იმის მიუხედავად, რომ ბევრი თამაშის საშუალება არ მქონია.

კუნდესთან ჩემი ინციდენტი, სანამ ის "ბარსაში" გადმოვიდოდა? მას ეს უკვე ვაპატიე (იცინის).

ჩემი კავშირი მესისთან? ყოველთვის ვცდილობდი, ბურთი მისთვის გადამეწოდებინა, რადგან ვიცოდი, რომ გოლს გაიტანდა. არ ვნერვიულობდი იმაზე, რომ მასთან ახლოს ბევრი მეტოქე მცველი იყო. ვიცოდი, რომ ის მაინც გაიტანდა.

ბუსკეტსი უფრო დიდი ლეგენდაა, ვიდრე მე. მან მეტი ტიტული მოიგო. მე მას მხოლოდ გატანილი გოლებით ვჯობნი (იცინის).

ჩავი, როგორც მწვრთნელი, დამაკლდება. მასზე გაბრაზებული არასდროს ვიქნები იმის გამო, რომ ბევრს არ მათამაშებდა. ის ყოველთვის ძალიან კარგად მეპყრობოდა.