ბარსელონა მესის იჯარით აყვანაზეც ფიქრობს
მოახლოებული სატრანსფერო ფანჯრის დროს რომ "ბარსელონას" მთავარი საზრუნავი ლიონელ მესის გუნდში დაბრუნება იქნება, ეს სიახლე არავისთვისაა.
ბოლო კვირებში გავრცელებული ცნობებით არგენტინელის დაბრუნების შანსები ძალიან მაღალი იყო, მაგრამ ბოლო დღეებში სიტუაცია შეიცვალა, რადგან ლეოს ოჯახს გადაწყვეტილების მალე მიღება სურს, "ბარსელონას" კი ლა ლიგისგან საბოლოო ნებართვა ჯერ კიდევ არ აქვს.
მესის ჯერ ერთადერთი ოფიციალური შეთავაზება აქვს - საუდის არაბეთიდან. გავრცელებული ინფორმაციით არგენტინელს წელიწადში 600 მილიონ ევროს სთავაზობენ.
ცნობილია, რომ მესის დამატებით დაინტერესებულია "ინტერ მაიამიც. L'Equipe-ს ბოლო ცნობა სწორედ ამერიკულ გუნდს უკავშირდება. ფრანგული წყაროს ცნობით "ბარსელონა" განიხილავს ვარიანტს, "ინტერ მაიამისთან" ითანამშრომლოს, რაც იმას ნიშნავს, რომ მესის ამერიკული გუნდი გაიფორმებს, "ბლაუგრანაში" კი არგენტინელი იჯარით ითამაშებს.
ამ სიახლეზე კომენტარები გათიშულია.
კომენტარები [ 12 ]