ლეო მესი გადაწყვეტილებას უახლოეს დღეებში მიიღებს
ესპანურ მედიაში გავრცელებული ინფორმაციით, ლიონელ მესის სურს, რომ საკუთარი მომავლის შესახებ გადაწყვეტილება მალე მიიღოს.
Mundo Deportivo-ს ცნობით, არგენტინელი არჩევანს უახლოეს დღეებში გააკეთებს. ლეო დიდხანს მოცდას არ აპირებს და "ბარსელონას" ვარიანტად აღარ განიხილავს, რადგან კატალონიურ კლუბს შეთავაზება ჯერ არ გაუკეთებია.
როგორც ცნობილია, აღნიშნული ინფორმაცია მესის გარემოცვიდან მოდის. ჟერარ რომერო ვარაუდობს, რომ არგენტინელი "ბარსელონასა" და ლა ლიგაზე ზეწოლას ცდილობს - "ბარსა" 35 წლის ფეხბურთელს შეთავაზებას სწორედ იმიტომ ვერ უკეთებს, რომ ლა ლიგისგან ფინანსურ გეგმაზე დასტური ჯერ არ მიუღია.
ალექს პინანტელის ცნობით, მესის პრიორიტეტი კვლავ "ბლაუგრანაა".
ნებისმიერ შემთხვევაში, მიმდინარე კვირა ლეოს მომავლის გარკვევისთვის მნიშვნელოვანი იქნება. ცნობილია, რომ არგენტინელი "პარი სენ-ჟერმენს" დატოვებს. მესის "ალ ჰილალიდან" აქვს შემოთავაზება, თუმცა ის ჯერ "ბარსას" ელოდება.
ამ სიახლეზე კომენტარები გათიშულია.
კომენტარები [ 6 ]