ბარსელონა და რეალ მადრიდი ტერმინ "ელ კლასიკოს" ვეღარ გამოიყენებენ
ესპანურ ფეხბურთში უცნაური სიტუაცია იქმნება - "ელ კლასიკოს" მონაწილე გუნდებს ამ ტერმინის გამოყენების უფლება აღარ ექნებათ.
სავაჭრო ნიშანი "ელ კლასიკო" ესპანეთის საპატენტო ბიუროში ორგანიზაცია ლა ლიგას აქვს დარეგისტრირებული. Relevo-ს ცნობით "ბარსელონამ" და "რეალმა" საპატენტო ბიუროს განცხადებით მიმართეს და მოითხოვეს, რომ "ელ კლასიკოს" გამოყენების უფლება მათაც ჰქონოდათ, მაგრამ უარი მიიღეს. მიზეზი ისაა, რომ ეს სავაჭრო ნიშანი სხვა ორგანიზაციას აქვს დარეგისტრირებული და კლუბების მხრიდან მისმა გამოყენებამ, შესაძლოა, სიტუაციის არევა გამოიწვიოს.
ორივე კლუბისთვის ეს დიდი დარტყმაა, რადგან მათი დაპირისპირება მთელ მსოფლიოშია ცნობილი, სახელი "ელ კლასიკოს" გარეშე კი მისი მარკეტინგული ღირებულება მნიშვნელოვნად შემცირდება. მაგალითად, ზაფხულში ამერიკაში გასამართი ამხანაგური დაპირისპირება შეგვიძლია, მოვიყვანოთ, რომელსაც "ელ კლასიკო" ვერ ერქმევა.
"ბარსელონასა" და "რეალ მადრიდს" საპატენტო ბიუროს გადაწყვეტილების გასასაჩივრებლად ერთი თვე აქვთ.
ამ სიახლეზე კომენტარები გათიშულია.
კომენტარები [ 7 ]