ჩავის პრესკონფერენცია ესპანიოლთან მატჩის წინ
"ბარსელონას" მთავარი მწვრთნელი, ჩავი ერნანდესი "ესპანიოლთან" მატჩის წინ პრესასთან კონფერენციას მართავს, რასაც განახლებად რეჟიმში გთავაზობთ.
"ხვალინდელი მატჩი ჩვენთვის ლა ლიგის მოგების პირველი ხელსაყრელი შემთხვევაა. მართალია, რომ დერბი და თანაც ესპანიოლის წინააღმდეგ მარტივი არ იქნება, მით უმეტეს, მათ მწვრთნელად ლუის გარსია. მასთან ერთად სამწვრთნელო კურსი გავიარე და ვიცი, რომ ერთ-ერთი საუკეთესოა. მოწინააღმდეგე გუნდი თავს კარგად დაიცავს და ბურთის ფლობას შეეცდება.
200%-ით მზად ვართ, ვგრძნობ ლა ლიგის მოგების ენთუზიაზმს და სურვილს, ეს კლუბისათვის ძალიან მნიშვნელოვანი ტიტული იქნება.
ზოგადად ლა ლიგის მოგება შესანიშნავი გრძნობა იქნება, არ აქვს მნიშვნელობა "ესპანიოლი" იქნება ჩვენი მეტოქე თუ სხვა ვინმე.
ვფიქრობდი, რომ მოგების შემთხვევაში ფეხბურთელებს 8-დღიანი ზეიმის უფლება მიმეცა, თუმცა, ფიზიკურ მწვრთნელებთან ამ ფაქტის განხილვის შემდეგ 5 დღემდე შევამცირეთ.
ტიტულის აღსანიშნავად ჟერარდ პიკეს დავპატიჟებთ, ვინაიდან მან კარიერა დაასრულა, დანარჩენები სხვა კლუბებში წავიდნენ.
ბუსკეტსისათვის კლუბიდან ტიტულით წასვლა ძალიან მნიშვნელოვანი იქნება. მასთან დამშვიდობება ყველას გულს გვწყვეტს, თუმცა, სწორი გადაწყვეტილება მიიღო. ის ყველაზე ინტელექტუალური მოთამაშეა, ვისთან ერთადაც მითამაშია. სერჟიო "ბარსელონას" ისტორიაში საუკეთესო ნახევარმცველია, ეს ეჭვგარეშეა.
მატეუ ალემანის წასვლასთან ერთად დიდი რესურსი დავკარგეთ, მასთან ერთად მუშაობა უდიდესი სიამოვნება იყო.
"ბარსელონას" ეპოქა არ დასრულებულა, ვფიქრობ, ყველაფერს ახლა ვიწყებთ. იმედი მაქვს ისეთი ფეხბურთელები, როგორებიც პედრი და გავი არიან, ბუსკეტსის მიღწევების გადაფარვას შეძლებენ.
ტერ შტეგენმა ძველი ფორმა დაიბრუნა, ის მსოფლიოს ტოპ მეკარეა, ჩვენ მას მხოლოდ თავდაჯერებულებობა მივეცით. ამ წელს საოცარი პროგრესი განიცადა.
ლა ლიგის მოგებით ძალიან აღელვებული ვიქნები, ვინაიდან ეს ჩემს კარიერაში უდიდესი წინ გადადგმული ნაბიჯი იქნება. ასევე დიდი მნიშვნელობა ექნება კლუბისათვის, რომელიც განახლების პროცესშია", - აცხადებს ჩავი.
ამ სიახლეზე კომენტარები გათიშულია.
კომენტარები [ 9 ]