ილქაი გიუნდოგანი მზადაა, ბარსაში სათამაშოდ ხელფასი შეიმციროს

ილქაი გიუნდოგანი მზადაა, "ბარსელონაში" გადმოსასვლელად ხელფასი შეიმციროს - ის "მანჩესტერ სიტიში" €10.5 მილიონს გამოიმუშავებს, "ბარსა" კი 3-წლიან კონტრაქტსა და ხელფასის სახით €6 მილიონს სთავაზობს.

ბოლო დღეებში კატალონიურ კლუბსა და გერმანელი ფეხბურთელის გარემოცვას შორის მოლაპარაკებები წარმატებით მიმდინარეობს. გიუნდოგანს "ბარსელონაში" თამაში სურს და ბედნიერია, რომ მას 3-წლიან ხელშეკრულებას სთავაზობენ. ილქაის უნდა, რომ ერთ ქალაქში დიდხანს დარჩეს, რადგან ცოტა ხნის წინ მამა გახდა. გარდა ამისა, მისი ცოლი, სარა არფაუი ბარსელონაში ცხოვრების პერსპექტივით მოხიბლულია და მანჩესტერი არასდროს მოსწონდა.

გიუნდოგანი ჩავის სათამაშო სისტემას შესანიშნავად ერგება. ლეო მესისა და მარტინ სუბიმენდის შემდეგ ის ერნანდესისთვის პრიორიტეტული სამიზნეა. 

ამჟამად ორივე მხარე ლა ლიგის მიერ "ბარსელონას" გეგმის დამტკიცებას ელოდება. გიუნდოგანის აგენტი ანდრეას კრისტენსენის წარმომადგენელიცაა და სიტუაციას კარგად იცნობს. ილქაი გარანტიას ითხოვს, რომ მისი რეგისტრაცია პრობლემატური არ გახდება.