რაფინიას შეძენის ფავორიტი ჩელსია | Sport

გავრცელებული ინფორმაციით, რაფინია ზაფხულში "ბარსელონას" დატოვებას განიხილავს. ბრაზილიელს მსურველები არ აკლია - მისი შეძენით "ჩელსი", "არსენალი" და "ნიუკასლ იუნაიტედი" ინტერესდებიან, მათგან ერთ-ერთი კი უკვე ფავორიტად დაწინაურდა.

Sport-ის ინფორმაციით, 26 წლის გარემარბის დამატების ფავორიტი "ჩელსია", რომელიც მისი შეძენით გასულ სეზონშიც ინტერესდებოდა. ლონდონური კლუბი ზაფხულში ბევრი ფულის დახარჯვას აპირებს და "ბარსას" შემტევისთვისაც იბრძოლებს. "ბლაუგრანა" ბრაზილიელის სანაცვლოდ 70-80 მილიონ ევროს მოითხოვს.

"ჩელსი" ისევე, როგორც "არსენალი" და "ნიუკასლი" რაფინიას იმაზე მეტ ხელფასს სთავაზობენ, რაც ფეხბურთელს "ბარსელონაში" აქვს. ინგლისური კლუბებისთვის პრობლემას არც კატალონიელთა მოთხოვნის დაკმაყოფილება წარმოადგენს.

რაფინია "ბარსას" დატოვებაზე უსმან დემბელესთან კონკურენციის გამო ფიქრობს. ჩავი ერნანდესი ბრაზილიელს საჯაროდ ნდობას უდასტურებს, მაგრამ ფინანსური ფეარ პლეის გამო შესაძლოა კლუბი მის გაყიდვას დათანხმდეს.