რაფინია ბარსელონადან წასვლაზე ფიქრობს
ბოლო დღეებში გავრცელებულ ცნობებს თუ დავუჯერებთ, იზრდება იმის შანსი, რომ ზაფხულში რაფინიამ "ბარსელონა" დატოვოს.
ცნობილია, რომ "ბლაუგრანა" ლიონელ მესის დაბრუნებაზე აქტიურად მუშაობს, ამ მიზნის მისაღწევად კი კატალონიელებს ფეხბურთელების სარფიანად გაყიდვა მოუწევთ.
ვრცელდება ინფორმაცია, რომ ბრაზილიელი შემტევის დამატებით ინგლისური გუნდები, კონკრეტულად კი "ნიუკასლი", "არსენალი" და "ჩელსი" არიან დაინტერესებულნი. სამივე მათგანი რაფინიას იმაზე მეტ ხელფასს სთავაზობს, რასაც ფეხბურთელი "ბარსელონაში" იღებს.
Sport-ის ცნობით "ბლაუგრანას" დატოვებაზე თავად რაფინიაც ფიქრობს, რისი მიზეზიც არა ფინანსური, არამედ სპორტული მხარეა. ბრაზილიელი შიშობს, რომ მომდევნო სეზონში მისი სათამაშო დრო შემცირდება, ვინაიდან გუნდის სასტარტო შემადგენლობის წევრი უსმან დემბელე გახდება.
ივარაუდება, რომ "ბარსა" ტრანსფერში 70-80 მილიონ ევროს მოითხოვს.
ამ სიახლეზე კომენტარები გათიშულია.
კომენტარები [ 22 ]