ლამინე იამალი პირველ გუნდში დარჩება

Sport-ის ინფორმაციით, ჩავიმ ლამინე იამალთან დაკავშირებით გადაწყვეტილება მიიღო.

15 წლის ფეხბურთელი მიმდინარე სეზონის ბოლომდე პირველ გუნდში დარჩება და ამასთან, პრესეზონსაც ჩავის ხელმძღვანელობით დაიწყებს.

იამალის დებიუტი გუშინ, "ბეტისთან" მატჩში შედგა. ლამინემ მოედანზე სულ 7 წუთი გაატარა, მაგრამ გოლამდე და ასისტამდე ცოტა დააკლდა.

წყაროს ცნობით, რომ არა ესპანეთის 17-წლამდელთა ნაკრებში მომხდარი ინციდენტის გამო მიღებული სასჯელი, იამალს "ბარსას" პირველ გუნდში დებიუტი კიდევ უფრო ადრე ექნებოდა. 

სამწვრთნელო შტაბმა იცის, რომ ლამინეს ერთადერთი შეცდომა არასწორ დროს არასწორ ადგილას ყოფნა იყო. ამ დრომდე უცნობია, ნაკრებში რა მოხდა.