ჩავის კომენტარი რაიოსთან მარცხის შემდეგ
"ბარსელონას" მთავარმა მწვრთნელმა ჩავი ერნანდესმა "რაიო ვალიეკანოსთან" მატჩის შემდეგ პრესკონფერენცია გამართა და ჟურნალისტების კითხვებს უპასუხა.
კარგი თამაში არ გვქონია, მაგრამ დადებითი ისაა, რომ ლა ლიგის მოგებას ვუახლოვდებით. მეტოქე ინტენსიური და აგრესიული იყო და თამაშის საშუალება არ მოგვცა. "რაიომ" სამართლიანად გაიმარჯვა. მოგებას ვულოცავთ, მათ ეს დაიმსახურეს.
ძალიან გაბრაზებულები ვართ, რადგან დღეს შანსი გვქონდა, მეორადგილოსანთან კიდევ უფრო დიდი უპირატესობა მოგვეპოვებინა.
ჩვენ ცუდად ვითამაშე, გამამართლებელ მიზეზს არ ვეძებ. მინდა ვიფიქრო, რომ ლა ლიგის სირთულის გამო წავაგეთ, ვიდრე იმის გამო, რომ ჩემპიონობა გარანტირებულად ჩავთვალეთ.
ლა ლიგა არ დასრულებულა, ჩვენ ის უფრო მეტად უნდა დავიმსახუროთ და თამაშები მოვიგოთ.
მნიშვნელოვანი უპირატესობა გვაქვს, მაგრამ ეს არაფერს ამართლებს. აქამდე საშინაო დავალებას კარგად ვასრულებდით, ახლა წინ 7 თამაში გვაქვს. ზედიზედ ორი მატჩი "კამპ ნოუზე" გველის, რომლებშიც ექვსი ქულა უნდა მოვიპოვოთ და ის კონკურენტუნარიანობა დავიბრუნოთ, რაც "ატლეტიკოსთან" ვაჩვენეთ.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 17 ]