არსენალი ერიკ გარსიათი ინტერესდება
"ბარსელონას" ესპანელი ცენტრალური მცველის, ერიკ გარსიას კატალონიური გუნდიდან წასვლის შანსები იზრდება, რადგან მისით ლონდონის "არსენალი" ინტერესდება.
ინფორმაციას, რომლის თანახმადაც გარსიას ინგლისში დაბრუნების შანსი აქვს, Mundo Deportivo ავრცელებს.
მას შემდეგ, რაც ჩავიმ გუნდის დაცვის ხაზი დაალაგა, გარსიას თამაშის შანსი თითქმის აღარ ეძლევა. კატალონიური მედიის ცნობით ფეხბურთელს კიდევ ერთი ასეთი სეზონის ჩატარება არ სურს, რაც მისი გუნდიდან წასვლის შანსებს ზრდის.
მომდევნო სეზონში რომ გარსიას მდგომარეობა არ შემსუბუქდება, ეს აშკარაა, რადგან გავრცელებული ინფორმაციით "ბარსამ" კიდევ ერთი ცენტრალური მცველის, ინიგო მარტინესის დამატების საკითხი უკვე გადაწყვიტა.
22 წლის ესპანელის ერთადერთი ხსნა პოზიციის შეცვლაშია. ცნობილია, რომ ჩავი აპირებს, ახალგაზრდა ფეხბურთელი საყრდენი ნახევარმცველის პოზიციაზე გამოცადოს. თუ ეს ექსპერიმენტი გაამართლებს, ერიკის "ბარსაში" დარჩენის შანსები გაიზრდება.
ამ სიახლეზე კომენტარები გათიშულია.
კომენტარები [ 7 ]